(រាជធានីភ្នំពេញ)នាព្រឹកថ្ងៃព្រហស្បតិ៍ ៤រោច ខែមិគសិរ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី២៣ ខែធ្នូ ឆ្នាំ២០២១ នៅសាលាខណ្ឌដង្កោ បានរៀបចំកិច្ចប្រជុំគណៈបញ្ជាការឯកភាពរដ្ឋបាលខណ្ឌដង្កោ ក្រោមអធិបតីភាពលោកស្រី គឹម ញឹប អភិបាល នៃគណៈអភិបាលខណ្ឌដង្កោ និងជាប្រធានគណៈបញ្ជាការឯកភាពរដ្ឋបាលខណ្ឌដង្កោ ដើម្បីផ្សព្វផ្សាយផែនការការពារសន្ដិសុខ សណ្ដាប់ធ្នាប់នៅក្នុងមូលដ្ឋានខណ្ឌដង្កោ ជាពិសេសអំឡុងពេលបុណ្យឆ្លងឆ្នាំសាកល ព្រមទាំងបានចែកជូនលិខិតសរសើរ និងថវិកាលើកទឹកចិត្តឃុំ-សង្កាត់មានសុវត្ថិភាព ជូនដល់សង្កាត់ និងប៉ុស្តិ៍នគរបាលរដ្ឋបាលទាំង១២ ដែលចូលរួមអនុវត្តគោលនយោបាយឃុំ-សង្កាត់មានសុវត្ថិភាពមានលទ្ធផលល្អ សម្រាប់ឆ្នាំ២០២០ កន្លងមក។
សមាសភាពចូលរួមកិច្ចប្រជុំរួមមាន៖លោកអភិបាលរងខណ្ឌ លោកអធិការនគរបាលខណ្ឌ តំណាងបញ្ជាការកងរាជអាវុធហត្ថខណ្ឌ តំណាងយោធភូមិភាគពិសេសប្រចាំខណ្ឌ គណៈនាយករដ្ឋបាលខណ្ឌ លោក-លោកស្រីប្រធានការិយាល័យទាំង១១ លោក-លោកស្រីចៅសង្កាត់ និងស្មៀនសង្កាត់ទាំង១២ នាយប៉ុស្តិ៍នគរបាលរដ្ឋបាលសង្កាត់ទាំង១២។
