(ខេត្តរតនគីរី)នារាត្រីថ្ងៃទី១៨ ខែមករា ឆ្នាំ២០២២នេះ បន្ទាប់ពីមមាញឹកនឹងការងារប្រចាំថ្ងៃរួចមក ឯកឧត្តម ញ៉ែម សំអឿន អភិបាលខេត្តរតនគិរីបានឆ្លៀតចុះស្វែងយល់សុខទុក្ខផ្ទាល់បងប្អូនអាជីវករផ្សារ និងអាជីករលក់ដូរតាមដងវិថីពេលយប់។ ឯកឧត្តមបានសំណេះសំណាលជាមួយបងប្អូនអាជីវករ និងបង្ហាញពីបំណងក្នុងការកែប្រែវីថីនៅម្តុំផ្សារបានលុងអោយក្លាយជាវីថីថ្មើរជើង(Walking Street) ដែលទាក់ទាញភ្ញៀវជាតិ និងអន្តរជាតិនាពេលខាងមុខ។
ជានិច្ចកាលយើងសង្កេតឃើញថាឯកឧត្តមចុះផ្ទាល់ជាមួយប្រជាពលរដ្ឋដោយមិនគិតពេលវេលាថ្ងៃ ឬយប់ឡើយ។ ប្រជាពលរដ្ឋក្នុងខេត្តភាគច្រើនកោតសសើរនូវភាពសាមញ្ញ និងភាពរួសរាយរបស់ឯកឧត្តមចំពោះប្រជាពលរដ្ឋ គ្រប់មជ្ឈដ្ឋាន។ ប្រជាពលរដ្ឋបានឃើញភាពប្លែកមុខប្លែកមាត់នូវសម្រស់ទីក្រុងបានលុងបន្តិចម្តងៗ ហើយសង្ឃឹមជឿជាក់ថានៅអនាគតដ៏ខ្លីខាងមុខទីក្រុងបានលុង ក៏ដូចជាទូទាំងខេត្តរតនគិរីនឹងមានការអភិវឌ្ឍទៅមុខជាលំដាប់ ហើយក្លាយជាខេត្តដែលមានភ្ញៀវទេសចរជាតិ អន្តរជាតិមកលេងកំសាន្តកាន់តែច្រើនឡើងៗ។
