ឯកឧត្តម អភិបាលខេត្តព្រៃវែង ក្មួយៗ សិស្សានុសិស្ស ត្រូវខិតខំសិក្សារៀនសូត្រឲ្យបានពូកែ ព្រោះថា ក្មួយៗ សិស្សា នុសិស្ស គឺជាទំពាំងស្នងឬស្សី និងជាសសរទ្រូងនៃប្រទេសជាតិ

ឯកឧត្តម អភិបាលខេត្តព្រៃវែង ក្មួយៗ សិស្សានុសិស្ស ត្រូវខិតខំសិក្សារៀនសូត្រឲ្យបានពូកែ ព្រោះថា ក្មួយៗ សិស្សា នុសិស្ស គឺជាទំពាំងស្នងឬស្សី និងជាសសរទ្រូងនៃប្រទេសជាតិ

ព្រៃវែង៖ ឯកឧត្តម ជា សុមេធី អភិបាលខេត្តព្រៃវែង បានមានប្រសាសន៍ ថា ក្មួយៗសិស្សានុសិស្ស ត្រូវខិតខំសិក្សារៀនសូត្រឲ្យបានពូកែព្រោះថា  ក្មួយៗ សិស្សានុសិស្សគឺជាទំពាំងស្នងឬស្សី និងជាសសរទ្រូងនៃប្រទេសជាតិ ក្នុងការអភិវឌ្ឍន៍ប្រទេសឲ្យមានការរីកចម្រើនទៅមុខជាលំដាប់ ព្រមទាំងជាផ្នែកមួយដ៏សំខាន់ក្នុងការពង្រឹងគុណភាព និងលើកស្ទួយនៃវិស័យអប់រំនៅក្នុងប្រទេសកម្ពុជាយើងឲ្យកាន់តែខ្លាំងឡើងធ្វេដងដូចបណ្ដាប្រទេសដែលអភិវឌ្ឍន៍នោះដែរ ដែលការលើកឡើងបែបនេះគឺនៅក្នុងឱកាសដែលឯកឧត្តម អញ្ជើញបើកបវេសនកាលឆ្នាំសិក្សា ២០២២-២០២៣ នៅសាលាវិទ្យាល័យ ហ៊ុន សែន កំពង់លាវ ក្រុងព្រៃវែង ខេត្តព្រៃវែង នាថ្ងៃទី ២ មករា ឆ្នាំ២០២៣។

ឯកឧត្តម ជា សុមេធី អភិបាលខេត្ត ក៏បានមានប្រសាសន៍បន្ថែមទៀតថា ថ្ងៃនេះគឺជាថ្ងៃបើកបវេសនកាល ឆ្នាំសិក្សាថ្មី ឆ្នាំ២០២២-២០២៣ គឺជាថ្ងៃបើកទំព័រថ្មីនៃការចាប់ផ្តើមជីវិត សិក្សាដំបូងរបស់ក្មួយៗដែលទើបនឹងត្រូវដល់អាយុចូលរៀន និងជាថ្ងៃចូលរៀនក្នុងឆ្នាំសិក្សាថ្មីរបស់ក្មួយៗ សិក្សានុសិស្ស ជាកុលបុត្រ កុលធីតា របស់ប្រទេសជាតិយើង។

ឯកឧត្តម អភិបាលខេត្ត សូមថ្លែងអំណរគុណដ៏ស្មោះចំពោះថ្នាក់ដឹកនាំគ្រប់ជាន់ថ្នាក់ ក្រសួង សា្ថប័នពាក់ព័ន្ធ អាជ្ញាធរដែនដី មាតាបិតា អ្នកអាណាព្យាបាល សប្បុរជន គណៈគ្រប់គ្រង គ្រឹះស្ថានសិក្សា ជាពិសេសលោកគ្រូ អ្នកគ្រូ ដែលបានពុះពារឧបសគ្គគ្រប់បែបយ៉ាងប្រកបដោយស្មារតី ទទួលខុសត្រូវខ្ពស់ ក្នុងការធានាបាននូវដំណើរការរៀន និងបង្រៀនប្រកបដោយប្រសិទ្ធភាព និងប្រសិទ្ធផល តាមគ្រប់រូបភាពក្នុង អំឡុងពេលនៃការប្រយុទ្ធប្រឆាំងនឹងជំងឺកូវីដ-១៩ នាពេលកន្លងមក។

ឆ្លងកាត់ដំណាក់កាលដ៏លំបាក ដែលប្រជាជន និងរាជរដ្ឋាភិបាលកម្ពុជាបានឆ្លងកាត់នាពេលកន្លងមក និងតាមរយៈយុទ្ធនាការចាក់វ៉ាក់សាំងជូនដល់បុគ្គលិកអប់រំ និងសិស្សានុសិស្ស បានយ៉ាងហោចបីដូស បានធ្វើឱ្យ យើងអាចរៀនសូត្រ និងអនុវត្តយ៉ាងមានប្រសិទ្ធភាពនូវ “គន្លងប្រក្រតីភាពថ្មីនៃវិស័យអប់រំ” ដែលក្នុងនោះយើង បានចាត់ទុកអាយុជីវិតរបស់បុគ្គលិកអប់រំ និងសិស្សានុសិស្សជាកត្តាអាទិភាព, ការអនុវត្តយ៉ាងខ្ជាប់ខ្ជួននូវវិធានការ ៣កុំ ៣ការពារ, និងការរៀបចំដំណើរការអប់រំ រួមទាំងប្រព័ន្ធអប់រំ ដែលមានភាពធន់ និងឆ្លើយតបទៅនឹងវិបត្តិ។ ឆ្លងតាមបទពិសោធន៍ទាំងនេះ រាជរដ្ឋាភិបាលកម្ពុជាសង្ឃឹមយ៉ាង មុតមាំថា ដំណើរការឆ្នាំសិក្សាថ្មី ២០២២-២០២៣ នឹងបន្តប្រព្រឹត្តទៅដោយរលូន ដើម្បីធានាបាននូវសុវត្ថិភាព ក្នុងការរៀនសូត្ររបស់សិស្សានុសិស្សយើង ក៏ដូចជា ការប៉ះប៉ូវឡើងវិញនូវកំហាតការសិក្សា ដែលបានខាតបង់ នាពេលកន្លងមក។

លោក បា៉វ សុធី ប្រធានមន្ទីរអប់រំ យុវជន និងកីឡា ខេត្តព្រៃវែង បានឲ្យដឹងថា សាលាមត្តេយ្យសិក្សាទូទាំងខេត្តមាន ៣៩៩ សាលា,
-សាលាមត្តេយ្យដាច់មាន ២២ សាលា
-មត្តេយ្យសិក្សាសហគមន៍មានចំនួន ២៩៦ កន្លែង
-មត្តេយ្យសិក្សាសហគមន៍មត្តេយ្យដែលមានលក្ខណៈស្តង់ដារចំនួន ៨៤ កន្លែង
-សាលាបឋមសិក្សាមានចំនួន ៥៤៧ សាលា។
-អនុវិទ្យាល័យមានចំនួន ៩៣ សាលា។
-វិទ្យាល័យរដ្ឋមានចំនួន ៣២ សាលា
-វិទ្យាល័យគាំទ្រដោយអង្គការដៃគូចំនួន ០១ សាលា។

ចំពោះការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ០៥ ធ្នូ ២០២២
-មានសិស្សប្រឡងជាប់សរុប ៥ ៧៩៩ នាក់ ស្រី ៣ ៤៨៤ នាក់ ស្មើនឹង ៧៥,៧៤% ក្នុងនោះស្រី ៨២,២៥%
ក្នុងនោះមាន*សិស្សជាប់និទ្ទេស A = ៦១ នាក់ ស្រី ៣៧ នាក់
*សិស្សជាប់និទ្ទេស B = ៥៧៧ នាក់ ស្រី ៣៧១ នាក់ *សិស្សជាប់និទ្ទេស C = - ១ ៤៤១ នាក់ ស្រី ៩៣១ នាក់
*សិស្សជាប់និទ្ទេស D = ១ ៩២០ នាក់ ស្រី ១ ១៤២ នាក់
*សិស្សជាប់និទ្ទេស E = ១ ៨៣០ នាក់ ស្រី ១ ០០៣ នាក់។
-ប្រឡងសិស្សពូកែទូទាំងប្រទេស ជាប់ជ័យលាភី ថ្នាក់ទី៩ =០៦នាក់ ស្រី០៤នាក់ ថ្នាក់ទី១២ =០៥នាក់
ស្រី០៤នាក់ សរុប ១១ នាក់ ស្រី ០៨នាក់) មេដាយ មាស ០៣ នាក់ ស្រី ០២ នាក់ មេដាយប្រាក់ ០១ នាក់ សី្រ មេដាយ សំរឹទ្ធ០១ នាក់ស្រី៕