គណ:បញ្ជាការឯកភាពរដ្ឋបាលខណ្ឌ៧មករាចុះត្រួតពិនិត្យទីតាំងលក់ម៉ូតូ ក្នុងស្ដង់បុរីកីឡា និងទីតាំងផ្ញើម៉ូតូ ក្នុងអគារស្នាក់នៅបុរីកីឡា ..!
នៅថ្ងៃសៅរ៍ ១៣កើត ខែអស្សុជ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៨ ខែតុលាឆ្នាំ២០២២ វេលាម៉ោង ០៨និង៣០នាទីព្រឹក ដោយមានការចង្អុលបង្ហាញពីលោក ថេង សុថុលអភិបាល នៃគណៈអភិបាលខណ្ឌ៧មករា និងដោយមានការអនុញ្ញាតពីលោក ហេង ផេងព្រះរាជអាជ្ញារងប្រចាំខណ្ឌ៧មករា កម្លាំងគណ:បញ្ជាការឯកភាពរដ្ឋបាលខណ្ឌ៧មករា ដឹកនាំដោយលោក ណុប ផា អភិបាលរងខណ្ឌ៧មករា បានចុះត្រួតពិនិត្យទីតាំងលក់ម៉ូតូក្នុងស្ដង់បុរីកីឡានិងទីតាំងផ្ញើម៉ូតូក្នុងអគារស្នាក់នៅបុរីកីឡា ស្ថិតក្នុងសង្កាត់វាលវង់ ខណ្ឌ៧មករា ។
ជាលទ្ធផល ក្រុមការងារបានដកហូតម៉ូតូដែលសង្ស័យពុំមានស្លាកលេខ និងពុំមានឯកសារបញ្ជាក់គ្រប់គ្រាន់ចំនួន ២៤គ្រឿង ក្នុងនោះ: នៅស្ដង់បុរីកីឡាចំនួន ១១គ្រឿង និងទីតាំងផ្ញើរម៉ូតូអគារទី៨បុរីកីឡាចំនួន ១៣គ្រឿង យកមករក្សាទុកនៅសាលាខណ្ឌ៧មករាជាបណ្ដោះអាសន្ន ដោយរង់ចាំម្ចាស់ម៉ូតូយកឯកសារមកពិនិត្យ និងផ្ទៀងផ្ទាត់ជាមួយមន្ដ្រីជំនាញ ។
