លោក ទេស វិបុល ប្រធាន សមាគមសេរីភាពអ្នកសារព័ត៌មានកម្ពុជា បានដឹកនាំសហការី ចូលជួបសម្តែងការគួរសម ឯកឧត្តម សេង ស៊ីវុត្ថា ប្រធានសាលាឧទ្ធរណ៍ភ្នំពេញ នាព្រឹកថ្ងៃទី២២ ខែមិថុនា ឆ្នាំ២០២២

ឯកឧត្តមប្រធានបានថ្លែងស្វាគមន៍ ប្រតិភូសមាគម និងបានជម្រាបពីប្រវត្តិ និងតួនាទី ភារកិច្ចសំខាន់ៗរបស់សាលាឧទ្ទរណ៍ភ្នំពេញព្រមទាំង បានជូនពរប្រតិភូសមាគមឱ្យជួបតែសេចក្តីសុខ និងទទួលបានជោគជ័យគ្រប់ភារកិច្ច។ លោក ទេស វិបុល បានថ្លែងអំណរគុណ ឯកឧត្តមប្រធានសាលាឧទ្ទរណ៍ ដែលបានឆ្លៀតឱកាសដ៏មមារញឹក ផ្តល់ឱកាសឱ្យប្រតិភូសមាគមបានចូលជួបសម្តែងការគួរសម ជម្រាបអំពីទិសដៅការងាររបស់សមាគម ជាពិសេស សុំកិច្ចសហប្រតិបត្តការណ៍ពង្រឹងវិស័យយុត្តិធម៌ និង កិច្ចការមនុស្សធម៌។ ជាការឆ្លើយតប ឯកឧត្តមប្រធានសាលាឧទ្ទរណ៍ បង្ហាញក្តីរីករាយសហការគ្នាជាមួយសមាគម ជាពិសេស លើការចងក្រងសៀវភៅប្រវត្តិការងាររបស់សាលាឧទ្ទរណ៍៕