លោក ឈួន ចាន់ណា អភិបាល នៃគណៈអភិបាលស្រុកសាមគ្គីមានជ័យ បានដឹកនាំរៀបចំពិធីសូត្រមន្តប្រោសព្រំអគារសាលប្រជុំថ្មីរបស់សាលាស្រុក។
(ស្រុកសាមគ្គីមានជ័យ)៖ នាព្រឹកថ្ងៃសុក្រ ទី១១ ខែតុលា ឆ្នាំ២០២៤ លោក កេត សំអាន ប្រធានក្រុមប្រឹក្សាស្រុក និង លោក ឈួន ចាន់ណា អភិបាល នៃគណៈអភិបាលស្រុកសាមគ្គីមានជ័យ បានដឹកនាំរៀបចំពិធីសូត្រមន្តប្រោសព្រំអគារសាលប្រជុំថ្មីរបស់សាលាស្រុក។
ដោយមានការអញ្ជើញចូលរួមពីសំណាក លោក លោកស្រីសមាជិកក្រុមប្រឹក្សាស្រុក គណៈអភិបាលស្រុក នាយក នាយករងរដ្ឋបាលស្រុក ប្រធាន អនុប្រធាន ការិយាល័យ អង្គភាព និងមន្ត្រីរាជការចំណុះរដ្ឋបាលស្រុកសាមគ្គីមានជ័យ។
នៅក្នុងពិធីសូត្រមន្តនេះផងដែរ ក៏បានប្រគេនទេយ្យទាន និងបច្ច័យ ដល់ព្រះគ្រូអនុគុណស្រុក និងព្រះគ្រូចៅអធិការវត្ត ចំនួន៦អង្គ ដោយក្នុង១អង្គ ទទួលបាន សាដក់ចំនួន១ ទឹកបរិសុទ្ធ១កេស ភេសជ្ជៈ១កេស និងបច្ច័យប្រគេនព្រះគ្រូអនុគុណ និងព្រះគ្រូចៅអធិកា សរុប ៦៨០,០០០រៀល៕
