មហាជនលើកឡើងថាទីតាំងបងល្បែងខុសច្បាប់(មាន់អនឡាញ)នៅក្នុងឃុំតាសួស ស្រុកស្វាយជ្រុំ សង្ស័យជាឆ្នាំងបាយ លោកសោម សុភ័ណ្ឌអធិការស្រុកស្វាយជ្រំ???
បនល្បែងមាន់ជល់អនឡាញ នៅទីតាំង ភូមិព្នៅ ឃុំតាសួស ស្រុកស្វាយជ្រំ ខេត្ដស្វាយរៀង កំពុងតែបើកដំណើរការយ៉ាងរលូន ដោយមិនញញើតនិងទោសទណ្ឌបន្តិចណាសោះឡើយ ពិសេសថែមទាំងផ្គើននិង បទបញ្ជារបស់រាជរដ្ឋាភិបាលកម្ពុជា ដែលមានសម្តេចតេជោហ៊ុនសែន ជាប្រមុខថ្នាក់ដឹកនាំ បានចេញបទបញ្ជាក្តៅៗហុយ កាលពីពេលកន្លងទៅនេះ ។
មហាជនបានលើកឡើងថា ករណីមាន់ជល់អនឡាញនេះ លោក សោម សុភ័ណ្ឌ បានរក្សាភាពស្ងៀមស្ងាត់ ដោយមិនអនុវត្តន៌ តាមបទបញ្ជារបស់សម្តេចតេជោហ៊ុន ក្នុងការទប់ស្កាត់និងបង្ក្រាបល្បែងជល់មាន់ខាងលើនេះសង្ស័យ លោកសោម សុភ័ណ្ឌ អធិការស្រុកស្វាយជ្រុំ អាច និងត្រូវថ្នាំសណ្តំ ឬទទួលលាភទទួលជ័យ ពីម្ចាស់បនល្បែអស់ហើយមើលទៅទើបបានជារក្សាភាពស្ងៀមស្ងាត់ មិនអនុវត្តន៌តាមបទបញ្ជាររបស់សម្តេចតេជោហ៊ុនសែន ស្តីពីការទប់ស្កាត់បទល្មើសល្បែងស៊ីសងគ្រប់ប្រភេទ។
មហាជនបានសំណូមពរដល់ ឯកឧត្តម ម៉ែន វិបុល អភិបាលខេត្តអភិបាលនៃគណៈអភិបាលខេត្តស្វាយរៀង នឹងលោកឧត្តមសេនីយ៍ត្រី ពេជ្រ វីរៈ ស្នងការនគរបាល ខេត្តស្វាយរៀង ចាត់ការ តាមផ្លូវច្បាប់ ចំពោះម្ចាស់ ទីតាំងបនល្បែងខាងលើនេះអោយខាងតែបាន ដែលពួកគេ កំពុងតែផ្គើន និងមិនអនុវត្តន៌តាម បទបញ្ជារបស់សម្តេចតេជោហ៊ុនសែន។
អង្គភាពអ្នកសារព័ត៌មានព្រុំសុជា ហតញូស៍ យើងខ្ញុំគ្រាន់តែជាកញ្ចក់ឆ្លុះបញ្ចាំង រិះគន់ក្នុងន័យស្ថាបនា ចូលរួមចំណែកជាមួយរាជរដ្ឋាភិបាល បណ្ដាញសារព័ត៌មានព្រុំសុជា ហតញ៉ូស៍ យើងខ្ញុំរង់ចាំការឆ្លើយបំភ្លឺ គ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មានសូមអរគុណ។
