បនល្បែងជល់មាន់តាមអនឡាញ នៅក្នុងទឹកដីសង្កាត់សាលាកំរើក សង្ស័យជាឆ្នាំងបាយ របស់លោកដា ចំរើននឹងលោក នួន ពុទ្ធារ៉ា???
ក្រុងសៀមរាប៖បនល្បែងជល់មាន់តាមអនឡាញមួយកន្លែងបង្កប់ក្នុងហាងកាហ្វេគ្មានយីហោ ស្ថិតនៅក្នុងភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាបកំពុង បើកដំណើរការជាចំហរក្នុងនោះលោកដា ចំរើន អធិការ ក្រុងសៀមរាប នឹង លោក នួន ពុទ្ធារ៉ា អភិបាលក្រុងសៀមរាប បានរក្សាភាពស្ងៀមស្ងាត់ ផ្គើននិងបទបញ្ជារបស់សម្តេចតេជោហ៊ុនសែន ស្តីពីការទប់ស្កាត់និងបង្រ្កាបបទល្មើសល្បែងស៊ីសងគ្រប់ប្រភេទ នៅទូទាំងរាជធានីខេត្ត។មហានជននៅក្នុងសង្កាត់សាលាកំរើក ក្រុង/ខេត្តសៀមរាប បានលើកឡើងថា មូលហេតុដែលលោកដា ចំរើន នឹង លោក នួន ពុទ្ធារ៉ាអភិបាល បានរក្សាភាពស្ងៀមស្ងាត់ ចំពោះបនល្បែងខាងលើនេះ ហើយថែមទាំងផ្គើននិងបទបញ្ជារបស់សម្តេចតេជោទៀតសោធន៌នោះ? សង្ស័យលោកដា ចំរើននឹងលោក នួន ពុទ្ធារ៉ា អាចនិងត្រូវថ្នាំសណ្តំ ឬបនល្បែងល្បែងខាងលើនេះ អាចជាឆ្នាំងបាយរបស់លោកដា ចំរើននឹងលោក នួន ពុទ្ធារ៉ា ទៀតផង ទើបបានជាលោកដា ចំរើននឹងលោក នួន ពុទ្ធារ៉ា រក្សាភាពស្ងៀមស្ងាត់បែបនេះនោះ។
ពាក់ព័ន្ធនិងករណីខាងលើនេះ ចាំមើលលោកតេង ចាន់ណាត ស្នងការខេត្តសៀមរាប និងលោកទៀ សីហា ចៅហ្វាយខេត្តសៀមរាបដែលតែងតែ ធ្វើការបង្ក្រាបបទល្មើសល្បែងស៊ីសង នៅទូទាំងខេត្តឧត្តសៀមរាប នាពេលកន្លងមកនេះ តើគាត់ហ៊ានបញ្ចេញកណ្តាប់ដៃដែក ដើម្បីបង្ក្រាបបនល្បែងជល់មាន់តាមប្រព័ន្ធអនឡាញខាងលើនេះ តាមបទបញ្ជារបស់សម្តេចតេជោហ៊ុនសែនដែលឬទេ?។
អង្គភាពអ្នកសារព័ត៌មានព្រុំសុជា ហតញូស៍ យើងខ្ញុំគ្រាន់តែជាកញ្ចក់ឆ្លុះបញ្ចាំង រិះគន់ក្នុងន័យស្ថាបនា ចូលរួមចំណែកជាមួយរាជរដ្ឋាភិបាល បណ្ដាញសារព័ត៌មានព្រុំសុជា ហតញ៉ូស៍ យើងខ្ញុំរង់ចាំការឆ្លើយបំភ្លឺ គ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មានសូមអរគុណ។
